માળિયા ત્રણ રસ્તા ઓવરબ્રિજ ઉપર રાહદારી યુવાનનું ટ્રકની ઠોકરે મોત

માળિયા ત્રણ રસ્તા ઓવરબ્રિજ ઉપર શ્રમિક યુવાન ચાલીને જતો હતો ત્યારે ટ્રક ચાલકે ટ્રક યુવાન પર ચડાવી દઈને પેટના ભાગે ગંભીર ઈજા પહોંચાડી મોત નીપજાવ્યું હતું માળિયા પોલીસે અકસ્માતની ફરિયાદ નોંધી તપાસ ચલાવી છે
ભરૂચ જીલ્લાના પાનેઢા ગામના રહેવાસી ભરતભાઈ બચુભાઈ વસાવાએ આરોપી ટ્રક જીજે ૧૨ બીએક્સ ૨૭૯૮ ના ચાલક વિરુદ્ધ ફરિયાદ નોંધાવી છે કે ગત તા. ૦૧ ના રોજ ફરિયાદીના કાકાના દીકરા શૈલેશભાઈ લક્ષ્મણભાઈ વસાવા (ઉ.વ.૨૪) રહે પાનેઢાં ભરૂચ વાળા કચ્છ મોરબી નેશનલ હાઈવે પર માળિયા ત્રણ રસ્તા ઓવરબ્રિજ પરથી જતા હતા ત્યારે ટ્રક ચાલકે ટ્રક શૈલેશભાઈ ઉપર ચડાવી દઈને પેટના ભાગે ગંભીર ઈજા પહોંચાડી મોત નીપજાવ્યું હતું માળિયા (મી.) પોલીસે ફરિયાદ નોંધી તપાસ ચલાવી છે