માળિયા હાઇવે પર કારમાંથી દારૂની ૪૭૦ બોટલ જપ્ત, કાર ચાલક સહીત બે ફરાર

માળિયા હાઈવે પર કારમાં દારૂની હેરાફેરીનો પર્દાફાશ કરી પોલીસે કારમાંથી દારૂની ૪૭૦ બોટલનો જથ્થો જપ્ત કર્યો છે કાર ચાલક સહિતના બે ઈસમો પોલીસને જોઇને નાસી ગયો હતો માળિયા પોલીસે કાર અને દારૂ સહીત ૧૬ લાખથી વધુનો મુદામાલ જપ્ત કરી વધુ તપાસ ચલાવી છે
માળિયા પોલીસ ટીમ પેટ્રોલિંગમાં હોય કચ્છ મોરબી હાઈવે પર અર્જુનનગર ગામના પાટિયા નજીક એન્ડેવર કાર જીજે ૧૨ ડીજી ૯૦૮૧ શંકાસ્પદ લાગતા કાર રોકવાનો પ્રયાસ કર્યો હતો પોલીસને જોઇને અંધકારનો લાભ લઈને કાર ચાલક અને તેની સાથે રહેલ ઇસમ બંને નાસી ગયા હતા પોલીસે રેઢી પડેલી કારની તલાશી લેતા દારૂની ૪૭૦ બોટલ કીમત રૂ ૬,૦૦,૮૦૦ નો જથ્થો મળી આવતા દારૂનો જથ્થો અને કાર કીમત રૂ ૧૦ લાખ સહીત કુલ રૂ ૧૬,૦૦,૮૦૦ નો મુદામાલ જપ્ત કરી આરોપીઓ વિરુદ્ધ ગુનો નોંધી તપાસ ચલાવી છે