જીલ્લામાં કાયદો અને વ્યવસ્થાની સ્થિતિ કેવી છે તેનો અંદાજ આ ઘટના પરથી આવી સકે !
મોરબી જીલ્લામાં કાયદો અને વ્યવસ્થાની સ્થિતિ કથળી ગઈ છે અસામાજિક અને લૂખા તત્વો બેફામ બની ગયા છે ગંભીર ગુનાઓ સામાન્ય બની ગયા છે તો પોલીસ ટીમો એકલ દોકલ કોમ્બિંગ કરી કામગીરીનો સંતોષ માની રહી છે પરંતુ નક્કર કામગીરીના અભાવે અસામાજિક તત્વો બેફામ બન્યા છે જેનું જીવંત ઉદાહરણ ટંકારા પંથકમાં જોવા મળ્યું હતું જ્યાં એનડીપીએસ ગુનામાં આરોપીની તપાસમાં ગયેલ પોલીસ ટીમ પર આરોપીના પરિવારજનોએ હુમલો કરી ધમકી આપી હતી
ટંકારા પોલીસ કોન્સ્ટેબલ તરીકે ફરજ બજાવતા રમેશભાઈ ઈશ્વરભાઈ રાઠોડે આરોપી નિજામ ઈબ્રાહીમ આમરોણીયા, જેતુનબેન ઈબ્રાહીમ આમરોણીયા અને કાસમ ઈબ્રાહીમ આમરોણીયા રહે બધા ટંકારા વાળા વિરુદ્ધ મારામારી, ધમકી અને ફરજમાં રૂકાવટની ફરિયાદ નોંધાવી છે જેમાં જણાવ્યું છે કે આરોપી નિજામ અગાઉ NDPS કેસમાં પકડાયો હતો અને અવારનવાર પોલીસ ચેક કરતા જાય ત્યારે અગાઉના કેસનો ખાર રાખી આરોપી નિજામ, તેની માતા જેતુન અને ભાઈ કાસમ પોલીસને જેમ ફાવે તેમ અપશબ્દો બોલી રોડ પર દોડી જઈ વાહનોને અડચણ કરતા હતા
ટ્રાફિકને અડચણ નહિ કરવા સમજાવવા અને ટ્રાફિક ક્લીયર કરાવવા જતા ત્રણેય ઈસમો પોલીસ પર હુમલો કરી કાયદેસર ફરજમાં દબાણ ઉભું કરી ફરજ દરમિયાન ઉશ્કેરાટ કરી બોલાચાલી કરી અપશબ્દો બોલી અપમાનિત કરી ફરિયાદી અને તેની સાથેના કર્મચારીને માર મારી ઈજા કરી હતી અને હવે ઘરે તપાસ કરવા આવશો તો તમને બધાને જોય લઈશ તેવી ધક્મી આપી હતી ટંકારા પોલીસે આરોપીઓ વિરુદ્ધ ગુનો નોંધી વધુ તપાસ ચલાવી છે
