રીક્ષામાં મુસાફરોને બેસાડી મુસાફરોના સ્વાંગમાં બેસેલા મદદગારો દ્વારા નજર ચૂકવી ખિસ્સામાંથી રોકડ અને મોબાઈલ ચોરી કરતી ટોળકી ફરી સક્રિય થઇ હોય તેમ લાગી રહ્યું છે તાજેતરમાં નવાડેલા રોડ પરથી સિવિલ હોસ્પિટલ સુધી રીક્ષામાં બેસેલા મુસાફરના ખિસ્સામાંથી રૂ ૧૮ હજારની રોકડ રકમ સેરવી ચોરી કરી ગયાની ફરિયાદ નોંધાવી છે
મોરબીના બાયપાસ રોડ ઇન્દ્રપ્રસ્થ સોસાયટીમાં રહેતા ભરતભાઈ હીરાભાઈ ડાભીએ સીએનજી રીક્ષા ચાલક અને તેની સાથેનો એક અજાણ્યો પુરુષ અને મહિલા વિરુદ્ધ ફરિયાદ નોંધાવી છે કે ફરિયાદી ભરતભાઈ નવાડેલા રોડથી નહેરુ ગેટ પાસે આવેલ શાક માર્કેટ જવા રોડ પર ઉભા હતા ત્યારે સીએનજી રીક્ષા આવતા તેમાં બેસી ગયા હતા અને રીક્ષામાં બેસેલ અજાણ્યા પુરુષ અને મહિલાએ ધક્કા મુક્કી કરી ફરિયાદીની નજર ચૂકવી ખિસ્સામાં રહેલ રોકડ રૂ ૧૮ હજારની ચોરી કરી ગયા હતા મોરબી એ ડીવીઝન પોલીસે ફરિયાદ નોંધી તપાસ હાથ ધરી છે
