નવી દિલ્હી: શેરબજારના દિગ્ગજ રોકાણકાર અને લગભગ 4023 રૂપિયાની નેટવર્થ ધરાવતા મુકુલ અગ્રવાલના રોકાણવાળી કંપની ગોલ્ડિયમ ઈન્ટરનેશનલ લિમિટેડના શેરોમાં બુધવારે મામૂલી તેજી જોવા મળી રહી હતી. છેલ્લા 5 દિવસમાં ગોલ્ડિયમ ઈન્ટરનેશનલ લિમિટેડના શેરોએ રોકાણકારોને 1.28 ટકાનું રિટર્ન આપ્યું છે. લગભગ 1038 કરોડ રૂપિયાના માર્કેટકેપવાળી ગોલ્ડિયમ ઈન્ટરનેશનલ લિમિટેડના શેર હાલના સમયે 52 સપ્તાહની નીચી સપાટીએ ટ્રેડ થઈ રહ્યા છે.
જો વાત છેલ્લા 5 વર્ષની કરીએ તો ગોલ્ડિયમ ઈન્ટરનેશનલ લિમિટેડના શેર ₹15ના લેવલથી ₹126ના લેવલ સુધી રોકાણકારોની મૂડી 8 ગણી વધારી ચૂક્યા છે.
મુકુલ અગ્રવાલની ગોલ્ડિયમ ઈન્ટરનેશનલ લિમિટેડમાં 1.01 ટકા હિસ્સેદારી છે. ડાયમં જ્વેલરી બનાવતી કંપનીના શેર 22 મે 2020ના રોજ તેની 16 રૂપિયાની નીચી સપાટીથી રોકાણકારોની મૂડીમાં આઠ ગણો વધારો કરી દીધો છે. ગોલ્ડિયમ ઈન્ટરનેશનલ લિમિટેડની ડાયમંડ જ્વેલરી બિઝનેસમાં સ્પેશ્યાલિટી છે અને તે ગ્લોબલ રિટેલ કંપનીઓ માટે ડાયમંડ જ્વેલરી બનાવે છે.
આશરે ત્રણ દાયકા જૂની ડાયમંડ જ્વેલરી એક્સપોર્ટ કરનારા ગોલ્ડિયમ ઈન્ટરનેશનલ લિમિટેડ અનેક દિગ્ગજ ગ્લોબલ બ્રાન્ડના રિટેલ શોરૂમ માટે જ્વેલરી બનાવે છે.
અમેરિકા અને યૂરોપના બજારમાં ડિપાર્ટમેન્ટલ સ્ટોર હોલસેલરને પણ ગોલ્ડિયમ ઈન્ટરનેશનલ લિમિટેડ જ્વેલરી વેચે છે. ગોલ્ડિયમ ઈન્ટરનેશનલ લિમિટેડ એક ઋણમુક્ત કંપની છે અને દુનિયાના અનેક મોટી ડાયમંડ જ્વેલરી બજારમાં તેનો સારો દબદબો છે.
ડાયમંડ જ્વેલરી બિઝનેસની દિગ્ગજ ગોલ્ડિયમ ઈન્ટરનેશનલ લિમિટેડ એંગેજમેન્ટ રિંગ, વેડિંગ રિંગ, એનિવર્સરી રિંગ, બ્રાઈડલ સેટ, ઈયર રિંગ અને પેંડૈંટ, નેકલેસ અને ઈયર રિંગ જેવી પ્રોડક્ટ બનાવે છે. ચાલુ નાણાકીય વર્ષના પ્રથમ ક્વાર્ટરમાં કંપનીએ તેના પરિણામ જારી કર્યા છે. કંપનીની આવકમાં ઘટાડો જોવા મળ્યો છે જ્યારે પ્રથમ ક્વાર્ટરમાં તેનો નફો પણ ઘટ્યો છે.