વાંકાનેર નજીક કારખાનામાં લોડરની ઠોકરે બે વર્ષના માસૂમનું મોત

વાંકાનેરના જાલી રોડ પર આવેલ કારખાનામાં બે વર્ષનું બાળક રમતું હતું ત્યારે લોડર ચાલકે બાળકને હડફેટે લેતા ગંભીર ઈજા પહોંચતા મોત થયું હતું પોલીસે લોડર ચાલક વિરુદ્ધ ફરિયાદ નોંધી તપાસ ચલાવી છે
વાંકાનેરના હસનપર ગામની સીમમાં જાલી રોડ પર આવેલ તિરુપતિ કોલ સપ્લાયર્સ કારખાનામાં કામ કરતા દલ્લુંભાઈ મોહનભાઈ બિલવાલ (ઉ.વ.૩૦) વાળાએ લોડર જીજે ૩૬ એસ ૬૬૯૯ ના ચાલક રાકેશભાઈ વિરુદ્ધ ફરિયાદ નોંધાવી છે કે તા. ૧૦ ના રોજ ફરિયાદીના બે વર્ષના દીકરા અંકિત કારખાનામાં રમતો હતો ત્યારે આરોપી રાકેશભાઈએ લોડર પુરઝડપે ચલાવી અંકિતને હડફેટે લઈને શરીરે ગંભીર ઈજા પહોંચાડી મોત નીપજાવ્યું છે વાંકાનેર સીટી પોલીસે ફરિયાદ નોંધી તપાસ હાથ ધરી છે