ટંકારાના જબલપુર ગામે કારખાનાની ઓફિસમાં જુગાર રમતા ત્રણ ઝડપાયા, ૨.૮૮ લાખનો મુદામાલ જપ્ત

જબલપુર ગામ નજીક આવેલ ઉમાંવાંશી પોલીમર્સ કારખાનાની ઓફિસમાં જુગાર રમતા ત્રણ ઇસમોને ઝડપી લઈને પોલીસે રોકડ રકમ, ૫ મોબાઈલ ફોન અને કાર સહીત કુલ રૂ ૨.૮૮ લાખનો મુદામાલ કબજે લીધો છે
ટંકારા પોલીસ ટીમ પેટ્રોલિંગમાં હોય દરમિયાન જબલપુર ગામની સીમમાં આરોપી સંજય દુર્લભજીભાઈ ચારોલાના ઉમાવંશી પોલીમર્સ કારખાનાની ઓફિસમાં જુગારની બાતમી મળતા ટીમે રેડ કરી હતી જ્યાં ઓફિસમાં જુગાર રમતા સંજય દુર્લભજીભાઈ ચારોલા, પ્રિન્સ પ્રવીણભાઈ લો અને શાંતિલાલ મગનલાલ લો એમ ત્રણને ઝડપી લઈને રોકડ રૂ ૫૮,૦૦૦ મોબાઈલ નંગ ૦૫ કીમત રૂ ૩૦,૦૦૦ અને વેન્યુ કાર જીજે ૩૬ એજે ૪૧૦૯ કીમત રૂ ૨ લાખ મળીને કુલ રૂ ૨,૮૮,૦૦૦ નો મુદામાલ કબજે લઈને જુગાર ધારા મુજબ કાયદેસર કાર્યવાહી હાથ ધરી છે