રાજકોટ મોરબી હાઈવે પર મીતાણા ગામ નજીક પુરઝડપે જતા કાર ચાલકે કાબુ ગુમાવી દીધો હતો કાર ડીવાઈડર ટપાડી રોડની સામી બાજુએ જતી કાર સાથે અથડાતા યુવાનનં ગંભીર ઈજા પહોંચતા મોત થયું હતું ટંકારા પોલીસે ફરિયાદ નોંધી તપાસ ચલાવી છે
ટંકારા ગાયત્રીનગર સોસાયટીમાં રહેતા નીલેશભાઈ શામજીભાઈ ભાલોડીયાએ કાર જીજે ૦૩ એમએચ ૪૦૮૬ ના ચાલક વિરુદ્ધ ફરિયાદ નોંધાવી છે કે ગત તા. ૧૫ ના રોજ આરોપી કાર ચાલકે પોતાની કાર પુરઝડપે ચલાવી રાજકોટ મોરબી હાઈવે પર મીતાણા ગામ નજીક સ્ટીયરીંગ પરથી કાબુ ગુમાવી દેતા કાર રોડ ડીવાઈડર ટપાડી સામે બાજુએ ફરિયાદીના ભાઈ દેવેન્દ્રભાઈ શામજીભાઈ ભાલોડીયા (ઉ.વ.૩૫) વાળાની કાર જીજે ૩૬ એફ ૮૬૭૮ સાથે ભટકાડી હતી અકસ્માતમાં ફરિયાદીના ભાઈ દેવેન્દ્રભાઈને માથા અને છાતીના ભાગે ગંભીર ઈજા પહોંચતા મોત થયું હતું અને પોતાની કાર મૂકી કાર ચાલક નાસી ગયો હતો ટંકારા પોલીસે આરોપી કાર ચાલક વિરુદ્ધ ફરિયાદ નોંધી તપાસ ચલાવી છે
