મોરબીની વાવડી ચોકડીએ ટ્રાફિક નિયમ ભંગ કર્યો, દંપતીએ ટ્રાફિક પોલીસનું માથું ફોડી નાખ્યું

આરોપી દંપતી વિરુદ્ધ પોલીસ મથકમાં ફરિયાદ નોંધાઈ
વાવડી ચોકડીએ ટ્રાફિક કામગીરી કરતા ટ્રાફિક પોલીસ સાથે બોલાચાલી અને ઝઘડો કરી દંપતીએ મારામારી કરી હતી અને ટ્રાફિક પોલીસનું માથું ફોડી નાખી છુટા હાથની મારામારી કરી હતી પોલીસે ફરજમાં રૂકાવટની ફરિયાદ નોંધી તપાસ ચલાવી છે
મોરબી ટ્રાફિક શાખામાં ફરજ બજાવતા જીગ્નેશભાઈ પ્રવીણભાઈ લાંબાએ આરોપીઓ દર્શનભાઈ નવનીતભાઈ જાદવ અને દિશાબેન દર્શનભાઈ જાદવ રહે બંને નાની વાવડી ગામ વાળા વિરુદ્ધ ફરિયાદ નોંધાવી છે કે તા. ૩૦ ના સાંજના સાતેક વાગ્યાના અરસામાં વાવડી ચોકડી પાસે ફરિયાદી પોતાની ટ્રાફિક કામગીરીની ફરજ નિભાવતો હતો ત્યારે આરોપી દર્શન જાદવ બાઈક લઈને આવી ટ્રાફિક નિયમ ભંગ કર્યો હતો જેથી ચલણ આપવાનું કહેતા બંને ઉશ્કેરાઈ જઈને ગાળો આપી ફરિયાદીનો કાઠલો પકડયો હતો અને છોડાવવા જાતે આંગળીમાં ઈજા કરી તેમજ ફરિયાદીને મોઢા અને ગળા પર છુટા હાથે મારામારી કરી આરોપી દિશાબેને પકડી રાખી આરોપી દર્શને માથું ફોડી નાખ્યું હતું એ ડીવીઝન પોલીસે આરોપી દંપતી વિરુદ્ધ ફરજમાં રૂકાવટની ફરિયાદ નોંધી તપાસ ચલાવી છે