મોરબીના કરોડોના કોલસા ચોરી કોભાંડનો મુખ્ય આરોપી યુગાન્ડા નાસી ગયો હતો અને ત્યાંથી વાયા યુએઈ થઈને અમદાવાદ પરત આવતા અમદાવાદ એરપોર્ટથી આરોપીને ઝડપી લઈને વધુ તપાસ ચલાવી છે
મોરબીના ગાળા ગામ નજીક SMC ટીમે ગત તા. ૦૭-૧૨-૨૦૨૪ ના રેડ કરી કોલસા ચોરી કોભાંડનો પર્દાફાશ કરી કોલસાનો જથ્થો, પાવડર, માટીથી મિક્ષ કોલસો સહીત કુલ રૂ ૩.૫૭ કરોડનો મુદામાલ SMC ટીમે જપ્ત કરી આરોપીઓને ઝડપી લીધા હતા જે ગુનામાં વોન્ટેડ આરોપી ભગીરથ ચંદુભાઈ હુંબલ રહે શિવમ પાર્ક સોસાયટી, મોરબી વાળો તેનો ભારતીય પાસપોર્ટને આધારે યુગાન્ડા ભાગી ગયો હોવાની માહિતી મળી હતી જેથી ઈમિગ્રેશન ડીપાર્ટમેન્ટ, ગૃહ મંત્રાલય, ભારત સરકાર મારફત લૂક આઉટ સર્ક્યુલર ઇસ્યુ કરવામાં આવ્યું હતું અને આરોપી ભગીરથ હુંબલ યુગાન્ડાથી યુ.એ.ઈ. થઈને અમદાવાદ એરપોર્ટ આવતા આજે અમદાવાદ એરપોર્ટ ખાતેથી આરોપીને ઝડપી લઈને સ્ટેટ મોનીટરીંગ સેલની ટીમને જાણ કરી હતી જેથી SMC ટીમે અમદાવાદ ઇન્ટરનેશનલ એરપોર્ટ ખાતેથી કબજો મેળવી SMC ઓફિસે લાવી ધોરણસરની અટકાયત કરવામાં આવી છે આરોપી પાસેથી મોબાઈલ કબજે લીધો છે ગુનામાં અત્યાર સુધીમાં કુલ ૧૯ આરોપીને ઝડપી લેવામાં આવ્યા છે