ફાયરિંગ ! માળિયામાં છોકરી ભગાડી પ્રેમલગ્ન કર્યાનો ખાર રાખી યુવાન પર બંદુક વડે ફાયરીંગ

માળિયામાં રહેતા યુવાને થોડા સમય પૂર્વે પ્રેમ લગ્ન કર્યા હતા જે બાબતનો ખાર રાખી દીકરીના પિતાએ યુવાનના ભાઈ પર બંદુક વડે ફાયરીંગ કર્યાની પોલીસ ફરિયાદ નોંધાઈ છે માળિયા પોલીસે ફરિયાદ નોંધી તપાસ હાથ ધરી છે
માળિયા (મી.) સરકારી હોસ્પિટલ પાસે રહેતા સલીમ દિલાવર જેડાએ આરોપી વલીમહમદ નુરમહમદ મોવર રહે માળિયા ત્રણ રસ્તા વાળા વિરુદ્ધ ફરિયાદ નોંધાવી છે કે ફરિયાદીના સગા કાકાનો દીકરો સિકંદર રસુલ જેડા આરોપી વલીમહમદ મોવરની દીકરીને આઠેક મહિના પહેલા ભગાડી ગયો હતો અને લગ્ન કર્યા હતા જેનો ખાર રાખી આરોપી સ્વીફ્ટ ડીઝાયર જીજે ૦૧ કેએફ ૨૪૨૬ વાળીમાં આવી ફરિયાદી સલીમ જેડા પર બંદુક જેવા હથિયાર વડે મારી નાખવાના ઈરાદે ફાયરીંગ કર્યું હતું માળિયા (મી.) પોલીસે આરોપી વિરુદ્ધ ગુનો નોંધી આરોપીને ઝડપી લેવા તપાસ ચલાવી છે