ટંકારાના લજાઈ ગામે મારામારી, છરી-પાઈપ વડે મારામારી બાદ સામસામી ફરિયાદ

બંને પક્ષની ફરિયાદ નોંધી પોલીસે વધુ તપાસ ચલાવી
ટંકારાના લજાઈ ગામે મારામારી થતા છરી કાઢી એક ઘા મારી ઈજા પહોંચાડી હતી તેમજ બાદમાં વીરપર ગામના બસ સ્ટેન્ડ પાસે મારામારી થવા પામી હતી જેમાં લોખંડ પાઈપ અને લાકડાના ધોકા વડે મારામારી કરવામાં આવી હતી ટંકારા પોલીસે મારામારીની ફરિયાદ નોંધી વધુ તપાસ ચલાવી છે
ટંકારાના લજાઈ ગામે રહેતા હસમુખભાઈ જીવાભાઈ ચાવડાએ આરોપી ગૌતમ ભલાભાઈ સારેસા વિરુદ્ધ ફરિયાદ નોંધાવી છે કે ફરિયાદી અન્ય સાથે ગટરના કામ અંગે લજાઈ ગામના સ્મશાન પાસે વાતચીત કરતા હતા ત્યારે આરોપી ગૌતમ સારેસા આવી તારો સાહેબ કોણ છે જેથી ફરિયાદીએ ગ્રામ પંચાયત જઈને પૂછ કહેતા છરી કાઢી એક ઘા મારી ઈજા કરી હતી
જયારે સામાપક્ષે ફરિયાદી ગૌતમ ભલાભાઈ સારેસા રહે લજાઈ વાળાએ આરોપીઓ અશોક જીવા ચાવડા, પ્રિન્સ અશોક ચાવડા, ઋત્વિક અશોક ચાવડા, રોહિત પ્રેમજી ચાવડા અને હાર્દિક નરેશ ચાવડા રહે બધા લજાઈ વાળા વિરુદ્ધ ફરિયાદ નોંધાવી છે કે આરોપી અશોક ચાવડાએ ફરિયાદી ગૌતમને તારા ઘરની સામે મોબાઈલ ટાવર ઉભો કરવો છે તારાથી થાય તે કરી લેજે કહીને ગાળો આપી તેમજ અન્ય ઈસમો ગાડીમાં આવી વીરપર ગામના બસ સ્ટેન્ડ પાસે લાકડાના ધોકા, લોખંડ પાઈપ અને ધારિયા વડે ફરિયાદી ગૌતમને માથામાં અને શરીરે માર મારી ઈજા કરી હતી ટંકારા પોલીસે બંને પક્ષની સામસામી ફરિયાદ નોંધી વધુ તપાસ ચલાવી છે