મોરબીના નીચી માંડલ નજીક અજાણ્યા કાર ચાલકે બે બાઈકને ટક્કર મારતા ત્રણને ઈજા

નીચી માંડલ ગામની સીમમાં અજાણ્યા કાર ચાલકે દંપતીના બાઈકને ઠોકર મારી બાદમાં એક યુવાનના બાઈકને પણ ટક્કર મારી હતી જે અકસ્માતમાં બે બાઈકમાં સવાર દંપતી સહીત ત્રણને ઈજા પહોંચાડી કાર ચાલક નાસી ગયો હતો મોરબી તાલુકા પોલીસે ફરિયાદ નોંધી વધુ તપાસ ચલાવી છે
મોરબી હળવદ હાઈવે પર શ્યામ પાર્ક સોસાયટીમાં રહેતા જીલભાઈ લક્ષ્મણભાઈ પટેલ નામના યુવાને અજાણ્યા કાર ચાલક વિરુદ્ધ ફરિયાદ નોંધાવી છે કે ફરિયાદી જીલ પોતાનું બાઈક જીજે ૦૯ કયું ૨૧૦૫ લઈને વાંકડા રોડ પર પોતાની હોટેલ જતો હતો ત્યારે અજાણ્યા કાર ચાલકે નીચી માંડલ ગામની સીમમાં પુરઝડપે ચલાવી ફરિયાદીની પાછળ આવતા એમપી ૪૫ ઝેડએ ૮૫૯૬ બાઈકને ઠોકર મારી બાઈક સવાર દંપતીને પછાડી દઈને ઈજા કરી તેમજ ફરિયાદીના બાઈકને પાછળથી ઠોકર મારી જમણા પગે, કમર નીચે થાપા ભાગે ફ્રેકચર અને શરીરે છોલછાલ જેવી ઈજા કરી નાસી ગયો હતો મોરબી તાલુકા પોલીસે ફરાર કાર ચાલક વિરુદ્ધ ફરિયાદ નોંધી તપાસ ચલાવી છે