સોશ્યલ મીડિયામાં ધર્મનો પ્રચાર પણ થતો હોય છે અને બીજાના ધર્મને હાની પહોંચાડવાના કૃત્ય તેમજ અન્ય ધર્મને નીચે દેખાડવા અને બે સંપ્રદાય વચ્ચે વૈમનસ્ય ફેલાય તેવી કોમેન્ટ કરીને વિવાદો પણ ઉભા કરવામાં આવતા હોય છે તાજેતરમાં સોશ્યલ મીડિયામાં ધાર્મિક લાગણી દુભાય તેવી કોમેન્ટ કરી બે કોમ વચ્ચે સુલેહભંગ થાય તેવું કૃત્ય કરનાર બે ઈસમો વિરુદ્ધ પોલીસ ફરિયાદ નોંધાઈ છે
મોરબીના બોરીચાવાસ લીલાપર રોડના રહેવાસી કમલેશભાઈ ભગવાનભાઈ રૂંજાએ ઈન્સ્ટાગ્રામ આઈડી sp-samir-47 વાળો અજાણ્યો ઇસમ અને ઈન્સ્ટાગ્રામ આઈડી s4hidz વાળો અજાણ્યો ઇસમ વિરુદ્ધ પોલીસ ફરિયાદ નોંધાવી છે કે બંને આરોપીઓએ ધર્મની લાગણી દુભાય તેવી રીતે મોબાઈલમાં રહેલા ઈન્સ્ટાગ્રામમાંથી કોમેન્ટ ગાળો લખીને બે ધર્મના લોકો વચ્ચે સુલેહભંગ થાય અને ધિક્કારની લાગણી ફેલાય તેવી કોમેન્ટ કરી હતી મોરબી એ ડીવીઝન પોલીસે બંને આરોપી વિરુદ્ધ ગુનો નોંધી તપાસ ચલાવી છે
