મોરબીના શનાળા રોડ પરથી વિદેશી દારૂની નવ બોટલ સાથે એક ઝડપાયો

મોરબી શહેરમાં દારૂની રેલમછેલ બોલી રહી છે ત્યારે મોરબીના શનાળા રોડ ઉપર ગુજરાત હાઉસિંગ બોર્ડના મકાન નં -૨૧૯ એમ-૪૦ મકાન વાળી શેરી પાસેથી વિદેશી દારૂની નવ બોટલ સાથે એક ઈસમને સિટી એ ડીવીઝન પોલીસે ઝડપી પાડયો છે.

મળતી માહિતી મુજબ મોરબી સિટી એ ડિવિઝન પોલીસ ટીમ પેટ્રોલિંગમા હોય તે દરમ્યાન મોરબીના શનાળા રોડ ઉપર ગુજરાત હાઉસિંગ બોર્ડના મકાન નં -૨૧૯ એમ-૪૦ મકાન વાળી શેરી પાસેથી વિદેશી દારૂની બોટલ નંગ -૦૯ કિં રૂ.‌૨૭૦૦ ના મુદ્દામાલ સાથે આરોપી જીતેંદ્રભાઇ વાલજીભાઇ દેવાતકા (ઉવ.૫૭) રહે.બ્લોક નં-૨૧૯ એમ-૪૦ ગુજરાત હાઉસિંગ બોર્ડ ત્રણ માળિયા મોરબીવાળાને ઝડપી પાડી આરોપી વિરુદ્ધ પ્રોહીબિશન એક્ટ હેઠળ ગુન્હો નોંધી ધોરણસરની કાર્યવાહી હાથ ધરી છે.