મોરબીમાં સ્પાની આડમાં દેહ વ્યાપારનો  ગોરખધંધો કરનાર બે ઝડપાયા 

મોરબીના સર્કિટ હાઉસ નજીક આવેલા વિકાસ ચેમ્બરમાં સનમૂન સ્પાની આડમાં દેહ વ્યાપારના ગેરકાયદે વેપારના ગોરખધંધાનો પર્દાફાશ કરી પોલીસે બે ઈસમોને ઝડપી લીધા છે

    મોરબી જિલ્લા પોલીસ અધિક્ષકના માર્ગદર્શન હેઠળ સિટી બી ડિવિઝન પોલીસની ટીમ કાર્યરત હતી ત્યારે સર્કિટ હાઉસ રોડ પર વિકાસ ચેમ્બરમાં સનમૂન સ્પામાં સ્પા સંચાલક  આર્થિક લાભ માટે બહારથી રૂપ લલનાઓ બોલાવી ગ્રાહકોને બોડી મસાજના ઓઠા તળે શરીર સુખ માણવા માટે સવલતો પૂરી પાડી કૃટણખાનું ચલાવતા હોવાની બાતમી મળતા ટીમે રેડ કરી હતી 

 સ્પામાં રેડ કરી પોલીસ ટીમે આરોપી સ્પા સંચાલક ભાવેશભાઈ સદાશિવભાઈ ખમકાર રહે હાલ મોરબી મૂળ વડોદરા અને રાહુલ વિનોદ સોલંકી રહે અમરેલી ગામ તા. મોરબી એમ બે ઈસમોને ઝડપી લીધા છે સિટી બી ડિવિઝન પોલીસે આરોપીઓ સામે ધી ઇમોરલ ટ્રાફિક પ્રિવેન્શન એક્ટની કલમો મુજબ ફરિયાદ નોંધી છે