હળવદના પલાસણ ગામની સીમમાં પથ્થર વડે માથામાં ઘા કરી આધેડની હત્યા

પોલીસે એક આરોપી વિરુદ્ધ ગુનો નોંધી તપાસ ચલાવી

મોરબી જિલ્લામાં કાયદો અને વ્યવસ્થાની સ્થિતિ સતત કથળી રહી છે હત્યા જેવા ગંભીર ગુનાઑ છાશવારે બની રહયા છે હજુ તો મોરબીમાં યુવાનની હત્યાનો ભેદ ઉકેલી પોલીસે આરોપીને જડપી લીધા છે ત્યારે હળવદના પલાસણ ગામની સીમમાં આધેડની હત્યા થયાની પોલીસ ફરિયાદ નોંધાઈ છે

હળવદના પલાસણ ગામમાં રહેતા વિજય તળશીભાઈ વિઠલાપરાએ આરોપી જાલાભાઈ રામાભાઇ ભરવાડ રહે પલાસણ વાળા વિરુદ્ધ ફરિયાદ નોંધાવી છે કે ફરિયાદીના પિતાજી તળશીભાઈને આરોપી સાથે અગાઉ બોલાચાલી થઈ હતી જે બાબતનું મનદુખ રાખી ગામની સીમમાં પથ્થર વડે માથાના ભાગે જીવલેણ ઇજા કરી મોત નિપજાવી હત્યા કરી હતી હળવદ પોલીસે હત્યાની ફરિયાદ નોંધી તપાસ ચલાવી છે